Шведската ѕвезда Лорин влезе во историјата на Евровизија како втора личност која двапати победила на натпреварот, а контроверзите околу нејзината победа продолжуваат.

Пејачката со мароканско потекло и вистинското име Лорин Зинеб Нора Талхау, за првпат победи на Евровизија со песната „Euphoria“, која ја изведе во Баку во 2012 година и со тоа стана меѓународна сензација.

Кариерата ја започна во 2004 година во шведската верзија на музичкиот натпревар Идол. На старите снимки од овој период, Лорин изгледа непрепознатливо, како да не е истата жена што ја гледаме сега.

Лорин настапи со песната на Алиша Кис „If I Ain’t Got You“, но не успеа да го шармира жирито. Таа заврши на четвртото место, но доби симпатии од публиката која ја поддржа и ја лансираше меѓу ѕвездите.

По победата на годинешната Евровизија, некои ја обвинуваат за плагијат, други сметаат дека победата била наместена од жирито, поради што е покрената петиција за нејзино укинување.