Топлиот и на моменти силен ветер кој дува низ целата земја и ги разгорува пожарите, прави проблеми и во урбаните средини.

Имено, поради ветерот и сушата, се кршат цели дрвја и гранки, па според фотографиите не е безбедно да се движат граѓаните.

Огромно паднато дрво е забележано кај Зелениот пазар при што е оштетено најмалку едно возило.

Уште една ситуација е забележана во Карпош 4, на улицата „Вич“ каде е падната поголема гранка од дрво.

Надлежните градски служби се излезени на терен и работат на отстранувањето на паднатите дрвја.