Кампусот Каслтон на Државниот универзитет во Вермонт му додели титула „почесен доктор“ на мачорот Макс, како член на заедницата, пред доделувањето на дипломите на студентите во саботата за, како што велат, неговата добрина.

„Мачорот Макс е љубезен и сакан член на семејството Каслтон многу години“, се вели во објавата на Универзитетот на Фејсбук.

Сопственикот Ешли Дау изјавил дека живее на улицата што води до главниот влез во кампусот, поради што мачката често одела во зградата на Универзитетот и почнала да се дружи со студентите, кои го сакале, пренесува „Асошиејтед прес“.

„Тој се дружи со студентите на кампусот околу четири години, а тие се секогаш возбудени кога ќе го видат. Се собираат и прават селфи со него, а тој ги посетува во кампусот кој се наоѓа спроти неговиот семеен дом“, рече таа.

Студентите ѝ се јавуваат на мајката на Макс, а матурантите кои се враќаат во градот понекогаш прашуваат за мачорот.

Макс, сепак, нема да учествува на церемонијата на дипломирање, а неговата диплома подоцна ќе биде доставена до неговите споственици.