Грижата за околината е нешто што секој од нас треба да го практикува во своето секојдневие.

Бети Давитковска од Велес сподели еден таков позитивен пример од нејзиниот град, каде еден нејзин сограѓанин самоиницијативно кова штици и ги средува летниковците во паркче близу основно училиште.

„Човекот кој ги кова искршените летниковци во паркчето кај основното училиште ‘Васил Главинов’, со свој материјал, купува клинци и боја од неговата пензија (18.000 денари, како што изјави самиот) и со мерак ги поправа – се вика Џорџ. Кој е во можност нека му донесе материјал. Човекот заслужува награда“, напиша велешанката.

Во меѓувреме, Давитковска ја сподели веста дека некој му донирал материјал на човекот, кој веднаш се зафатил со работа.

„Џорџ работи насмеан и среќен, благодарен за добриот човек што донираше материјал“, напиша таа.