Манекенката Ирина Шајк (38), која е една од најуспешните Русинки во светот на модата, присуствуваше на настанот „60 години италијанско издание на ‘Вог’“ во рамки на Миланската модна недела.

Таа го привлече вниманието на присутните со својот црн проѕирен фустан со чипкасти детали, со потпис на италијанската модна дизајнерка Алберта Ферети.

Црвениот кармин никогаш не излегува од мода, а Шајк овој пат го искористи за да ги истакне своите усни. Таа ја надополни целата комбинација со класични црни чевли.

Миланската модна недела, на која ќе бидат претставени колекциите и модните трендови за пролет/лето 2025 година, почна на 17 септември и ќе трае до 23 септември.

Шајк веќе беше дел од неколку ревии на овој престижен моден настан, а нејзината објава со најдобрите моменти собра речиси 114 илјади допаѓања.

ФОТО | Ирина Шајк е пеколно згодна: Го покажа своето извајано тело во минијатурно бикини