Трамвај денеска излета од шините и удри во продавница во центарот на Осло, при што беа повредени возачот и уште три лица, соопшти норвешката полиција.

Според полицијата, во моментот на ударот во трамвајот се наоѓале околу 20 патници.

Сликите од местото на настанот, објавени од норвешките медиуми, покажуваат син трамвај кој влетал во продавница за компјутери во центарот на норвешката престолнина.

„Работиме на тоа да добиеме општа слика за областа, но има голема штета на продавницата“, се вели во соопштението на полицијата.