Поранешната кошаркарка Едина Муса не губи време кога станува збор за активниот животен стил. Само 25 дена по породувањето, таа се врати на вежбањето и ја сподели својата мотивација со следбениците на Инстаграм.

Денеска таа објави фотографија со порака: „Толку издржав“, алудирајќи на тоа дека едвај чекала да се врати на тренинзите.

Облечена во спортска облека, Муса изгледа одлично, а нејзината форма остава впечаток дека бременоста не оставила големи траги врз нејзиното тело.

Муса остана физички активна до самиот крај на бременоста, вежбајќи дури и во 40-тата недела, но под надзор на доктори и со прилагодена програма.

Да потсетиме, Едина Муса е во љубов со поранешиот кошаркар Александар Димитровски – Мачка. Двојката го изговори судбоносното „да“ кон крајот на минатата година, а неколку месеци претходно ја соопштија среќната вест дека ќе станат родители на момче, кое ќе го носи името Максим.

Димитровски претходно беше во брак со пејачката Тамара Тодевска и со неа има две деца – ќерката Хана и синот Дарен.

ФОТО | Едина Муса и Мачка уживаат на Пониква: „Господе, ти благодарам што ми даде сѐ што посакував“