ФОТО | Тимоти Шаламе како Боб Дилан: Објавени првите фотографии од сетот на биографскиот филм
Во тек е снимањето на биографискиот филм на славниот музичар Боб Дилан со наслов „Целосно непознато“, во режија на Џејмс Манголд, во кој Тимоти Шаламе го глуми славниот пејач.
Препорачано
Филмот се снима во Њујорк, а на социјалните мрежи се објавени и првите фотографии од снимањето на кои се гледа како 28-годишниот актер изгледа во улога на музичката икона.
Филмот го следи подемот на Дилан на њујоршката сцена во 1960-тите по неговото преселување од Минесота во Њујорк.
Here’s a first look at Timothée Chalamet as Bob Dylan in #ACompleteUnknown directed by James Mangold. pic.twitter.com/TqnouBArFt
— Fandango (@Fandango) March 18, 2024
На првите фотографии од снимањето, Шаламе може да се види како носи стар шал, ракавици и дебела јакна. Изгледа како снежен ден во Њујорк за младиот Боб Дилан. Се разбира, тој носи и гитара. Заедно со Шаламе, актерската екипа на филмот ги вклучува Ел Фенинг како Силви Русо, Моника Барбаро како Џоан Баез, Ник Оферман како Алан Ломакс и Бојд Холбрук како Џони Кеш. Едвард Нортон беше избран за улогата на Пит Сигер откако доцнењето на почетокот на снимањето доведе до откажување на актерот Бенедикт Камбербач.
ВИДЕО | „Поважно ми е да бидам здрава“: Селена Гомез одговори на критиките за вишокот килограми
