Откако соопшти дека ќе го напушти Челси, денеска Тијаго Силва беше промовиран како нов фудбалер на бразилскиот Флуминенсе кој е актуелен шампион на Јужна Америка.

Искусниот 39-годишен играч израсна во школата на Флуминенсе, но си заминал на 16-годишна возраст, за да се врати во 2006 година, прво на позајмица од Динамо Москва, а потоа уште две сезони во кои му помогна на тимот да го освои Купот на Бразил.

Светската слава ја стекна носејќи го дресот на Милан, а играше и за ПСЖ и Челси, почнувајќи од 2020 година.

Во Бразил се враќа како еден од најдобрите дефанзивци во своето време, откако ја освои Лигата на шампионите во 2021 година, седум титули шампион на Франција и една титула во Италија.

После пет кола во бразилската Серија А за сезоната 2024 Флумименсе е дури на 16 место со пет бодови.

Home again, @tsilva3! #TheMonsterIsBack #OMonstroVoltou pic.twitter.com/tGD5b5RwYe

— Fluminense F.C. (@FluminenseFC) May 7, 2024