Пејачката Лејди Гага го откажа својот настап во Мајами во последен момент, речиси пред самиот почеток на концертот. По тој повод, 39-годишната пејачка се огласи на својот Инстаграм каде се извини на своите обожаватели.

„Здраво на сите, многу ми е жал, но морам да го одложам вечерашниот настап во Мајами“, објави таа. Како што објасни, нејзиниот „глас бил исклучително напнат“ за време на пробата во вторник, како и вокалните загревања во средата. Додаде дека и нејзиниот лекар и вокалниот тренер ја советувале да не настапува.

Таа не сакаше да ги оштети гласните жици

Лејди Гага додаде дека иако откажувањето во последен момент бла „тешка и болна одлука“, таа не сакала трајно да ги оштети гласните жици.

„Постои значителен ризик врз основа на сите наши комбинирани искуства со шоу како нашето, а како што знаете, пеам во живо секоја вечер – и иако ова беше тешка и болна одлука, би била повеќе загрижена за долгорочните импликации на мојот глас“, рече таа. „Се надевам дека ќе ми простите и ќе ги прифатите моите најискрени извинувања за какво било разочарување или непријатност.“

Ќе објави нов датум

Тие исто така споделија дека „информациите во врска со презакажаниот датум и процесот на враќање на парите ќе бидат објавени наскоро“.