ФОТО | „Тејст атлас“: Македонскиот ајвар на второ место на најдобрите макала во светот за 2024 година
Реномираниот сајт за храна и гурмани „Тејст атлас“ (Taste Atlas) го рангираше македонскиот ајвар на високото второ место на најдобри макала во светот, додека пак, на листата на 100 најдобри јадења во светот, на 63- то место.
Препорачано
Ова традиционален деликатес направен од пиперки и модар патлиџан е едно од најпопуларните макала низ целиот Балкан и Источна Европа, а е прочуен и во целиот свет. Најценетиот вид ајвар најчесто е македонскиот, кој се прави само со црвени пиперки. Иако неговото потекло често се оспорува, се вели дека името ајвар потекнува од турскиот збор havyar, што значи кавијар, пишува „Тејст атлас“.
На списокот виско рангирани според бодовите се најдоа и тавче гравчето, пастрмајлијата, сармата, пинџурот и зелникот.
Македонската кујна со сите нејзини специјалитети, е рангирана на 61 место на „Тејст атлас“. Првите три места им припаднаа на италијанската, јапонската и грчката кујна.
Македонскиот ајвар е оценет со 4,52 во категоријата сладост (relishes), а пинџурот доби оценка 4,26. Ајварот, исто така, се најде на второто место во категориите макала (dips) и намази (spreads).
