Водителот на квизот „Кој сака да биде милионер?“ Тарик Филиповиќ решил да направи естетска корекција и да го реши проблемот што го мачи уште од тинејџерските денови.

– Секогаш кога ќе се видам на екранот, ми пречи мојот подбрадок, кој го имам од 17-годишна возраст. Се обидував да се ослободам од тоа на различни начини, но не исчезна ниту со симнувањето на килограмите – рекол познатиот хрватски актер и водител Тарик Филиповиќ (49), кој пред три дена се подложил на CoolSculpting, односно замрзнување на салото на подбрадокот.

Третманот CoolSculpting е нехируршка безболна процедура на ладење и „убивање“ на масните клетки. Оваа постапка дава долгорочни резултати затоа што салото не е отпорно на студ и кога е замрзнато, телото ги исфрла мртвите клетки во рок од два до шест месеци.

„Јас не сум баш приврзаник на естетската хирургија, но не сум ниту противник. Мислам дека секој има право да го реши естетскиот проблем што го мачи. Но, CoolSculpting не е операција, туку третман. Траеше 45 минути и истата вечер јас нормално ја одиграв претставата – рекол за „Јутарњни.хр“ актерот и водител на квизот „Кој сака да биде милионер?“.

На третираното подрачје прво му бил нанесен гел кој служи како заштита помеѓу телото и апаратот кој ги лади масните клетки со помош на апликатор. На почетокот на третманот почувствувал мало трнење и секако чувство на ладење, но тоа исчезнало за неколку минути.

Првите резултати веќе треба да бидат видливи во рок од еден месец.

„Ја видов Ела Дворник како го среди стомакот по породувањето со истиот метод и тоа ми беше фасцинантно, па помислив: „Зошто да не? – рекол Тарик и одговорил на многумина кои се чудат зошто се одлучил за тој третман:

„Тоа е исто како да прашате човек зошто става навлаки на забите за да има поубава насмевка“.

                                                      Фото: Инстаграм/Ела Дворник