Македонската пејачка Каролина Гочева деновиве ја има својата турнеја низ Германија каде досега одржа концерти во Штутгарт, Нинберг, а настапи и пред своите обожаватели во Дизелдорф.

Елегантна како и секогаш, нашата музичка дива и во овој германски град блесна во прекрасен долг црн фустан и зрачеше со позитивна енергија. Заедно со публиката во еден глас ги испеа нејзините најголеми хитови, но еден гест на Каролина ги освои срцата на сите.

Имено, пејачката во текот на нстапот во Дизелдорф, на сцената го развиори македонското знаме. Каролина на социјалните мрежи објави фотографија од овој момент, што предизика бројни позитивни реакции и коментари од нејзините следбеници.

„Ако е Македонија жена, јас ја замислувам ваква“; „Браво Керол!“; „Е, како изгледа горда македонска убавица“; Светска, а наша…кралица една и единствена…невидени концерти. Браво“, беа дел од коментарите под фотографијата.

Гочева следно ќе настапи во Мајнц (1.12), Хамбург (13.12) и Берлин (16.12).

ФОТО | Елегантна и софистицирана: Каролина Гочева блесна во Штутгарт со едноставна, а моќна комбинација