ФОТО | Свадбената покана на Џеф Безос и Лорен Санчез критикувана поради „грдиот“ дизајн
Објавена е поканата за свадба на Џеф Безос и Лорен Санчез. „Еј-би-си Њуз“ (ABC News) објави дел од поканата за свадба на Безос и Санчез, која беше испратена до гостите во мај пред претстојната свадба на двојката во Венеција.
Препорачано
Поканата содржи илустрации на птици во лет, пердуви, пеперутки и гондолиери. Иако позадината на поканата е целосно бела, нејзините декорации се одликуваат со светло розови и сини детали.
Jeff Bezos & Lauren Sanchez’s wedding invite unveiled by ABC News:
“Please, no gifts” pic.twitter.com/Gwaaqyd4f0
— Pop Crave (@PopCrave) June 24, 2025
На самиот почеток на поканата Безос и Санчез ги замолиле гостите да не им носат подароци.
„Возбудени сме што ќе ни се придружите! Имаме едно барање: ве молиме, без подароци“, се вели во поканата. „Наместо тоа, даваме прилози во ваша чест и со благодарност што патувате да прославите со нас во Венеција“, се вели во поканата.
„Донации во ваше име се доставуваат до канцеларијата на УНЕСКО во Венеција за заштита на незаменливото културно наследство на градот, до CORILA за обновување на виталните лагунски живеалишта што ја штитат иднината на Венеција и до Меѓународниот универзитет во Венеција за поддршка на истражувањето и образованието за одржливи решенија“, напиша двојката.
Безос и Санчез го завршија својот повик споделувајќи колку значајна е за нив нивната свадбена дестинација.
„Ова магично место ни даде незаборавни спомени“, напишаа тие, додавајќи дека се надеваат дека Венеција ќе продолжи да „инспирира чуда за идните генерации“.
Себастијано Косталонга, локалниот градски советник за трговија и производствени активности во општина Венеција, неодамна за „Пипл“ изјави: „Секако, пораката што Безос ја испрати во врска со подароците што требаше да се дадат беше дека тие не треба да му се дадат нему, туку на Венеција“.
Косталонга додаде дека двојката испраќа „многу важна порака што треба да се прошири и на другите луѓе“ кои доаѓаат во Венеција за да се венчаат или да прослават каков било настан тука. „Дефинитивно сме среќни што ги имаме овие средства за да го заштитиме нашиот многу чувствителен град“, рече тој.
Тој вели дека свадбата на Безос се организира на многу високо ниво на безбедност. Двојката, исто така, набавила 80отсто од предметите за свадбата од венецијански добавувачи, вклучувајќи ја и слаткарницата Роса Салва.
Познати личности веќе почнаа да пристигнуваат во Венеција, а беа забележани Иванка Трамп и Џаред Кушнер, како и Дајан фон Фирстенберг.
