Фото: Инстаграм/ housesofcelebs

ФОТО | Средновековната вила во која почина Метју Пери се продава за 5 милиони долари: Секој детаљ е уреден со посебно внимание

Пред да почине во октомври 2023 година на 54-годишна возраст, Метју Пери го зголеми бројот на имоти што ги поседуваше со купување на уште една прекрасна вила во Лос Анџелес. За жал, оваа бела вила е местото во кое беше пронајдено неговото безживотно тело, токму во базенот на луксузната калифорниска резиденција.

Метју Пери дал нешто помалку од 5 милиони долари за скапата модерна вила, изградена во стилот на средновековни благородни згради, во Холивуд Хилс.

Фото: Инстаграм/ housesofcelebs

Причината поради која убавата бела вила на Пери овојпат повторно е во „фокус на интерес“ е нејзиното неодамнешно појавување на пазарот на недвижности. Цената што ќе треба да ја платат идните сопственици е 5,2 милиони долари.

Инаку, вилата е изградена во 1957 година и неодамна е реновирана. Ова место се наоѓа веднаш над Сансет Стрип, луксузен дел од Лос Анџелес.

Го краси кратка, но широка патека која завршува во гаража за два автомобили, како и необичен сет на скали, кои водат до влез во стил на атриум.

Целосно белата структура има три спални соби и четири бањи во нешто повеќе од 250 квадратни метри простор за живеење на едно ниво, кој „може да се пофали“ со мешавина од камени и сини дрвени подови.

Фото: Инстаграм/ housesofcelebs

Бројните лизгачки стаклени врати водат до покриена дневна соба со поглед на големиот базен.

Инстаграм профилот @housesofcelebs ни даде увид во внатрешноста на просторот во кој Метју Пери живеел до неговата смрт, а она што особено не остави без здив беше големата кино сала со исто толку голем екран за филмски проекции. Не помалку примамлива беше и просторијата за рекреација, каде што почесното место го заземаше масата за билијард.

Она што е многу необично, земајќи ја предвид необичната надворешност, е распоредот на дневната соба, во која доминира едноставноста во вид на софи и фотелји, кои можете да ги најдете во секој стилски дизајниран дом.

Фото: Инстаграм/ housesofcelebs

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот