Шест децении откако оригиналната Барби се појави на полиците, „Мател“ ја лансираше својата прва слепа кукла Барби во обид својот асортиман да го направи поинклузивен, пишува „Гардијан“.

Американскиот производител на играчки рече дека куклата, која сега е достапна на интернет и во продавниците, е создадена во обид слепите и децата со слаб вид да бидат позастапени во општеството.

Во изјавата, Криста Бергер, потпретседателка и шефица на глобалниот оддел за кукли на „Мател“ рече: „Ние препознаваме дека Барби е многу повеќе од обична кукла; таа претставува самоизразување и може да создаде чувство на припадност“.

Компанијата соработуваше со Американската фондација за слепи за да се осигура дека сè, од очите на куклата до нејзината облека, точно ги прикажува луѓето со слепило и слаб вид.

Куклата држи бело-црвен бастун со врв, додека нејзиниот поглед е свртен малку нагоре и нанадвор за „прецизно да го одразува понекогаш специфичниот поглед на слепиот поединец“.

По спроведувањето на тестирањето со слепи и со деца со слаб вид, било одлучено дека куклата треба да носи облека со детали од тактилна ткаенина, вклучувајќи розова сатенска маичка и виолетово здолниште од тул. Деталите како што се копчиња и петелки на задниот горен дел на куклата и еластичниот појас на здолништето се создадени во обид да се обезбеди полесно облекување на куклата, а лактите се подвижни, што обезбедуваат практично користење на бастунот.

Пакувањето е исто така подостапно од стандардната понуда и го вклучува зборот Барби напишан со Брајово писмо на предната страна од кутијата.

‘A positive step forward’: Mattel launches first blind Barbie https://t.co/4ESwT3Kgb4

— The Guardian (@guardian) July 23, 2024