Монографијата „Современа македонска фотографија – Македонска фотографија 1945-2020“ е капитално дело и е единствена од ваков вид со увид во историскиот и креативен развојот на фотографската уметност во Македонија.

Финансирана како Проект од национален интерес од Министерството за култура и спонзорирана од „Халк Банка“ – Скопје, монографијата претставува пресек на речиси 80-годишно творештво на автори-членови на Фото сојуз на Македонија.

Промоцијата на монографијата ќе се одржи на 30 јануари, во 20 часот, во Културно-информативниот центар во Скопје.

На промоцијата ќе има и изложба на автентични дела од Архивата на Фото сојуз на Македонија, кои премиерно се претставуваат на пошироката јавност.

Во монографијата и на изложбата се застапени автори од калибарот на Цветко Иванов, Благоја Дрнков, Кирил Билбиловски, Лазо Величковски, Ѓорѓи Гога Попов, Живко Јаневски, Благоја Бањански, Александар Цветиновски, Ацо Кондев, Владо и Лазо Плавевски, Билјана Јуруковски, Владимир Тодоров, па сѐ до Боро Рудиќ, Цветан Гавровски, Душан Доцевски, Валентин Малинов, Раде Луковиќ, Драги Неделчевски и, секако, помладата генерација фотоавтори.