Почетокот на оваа работна седмица за жителите на Аеродром кои живеат на улицата „Вангел Тодоровски“ започна со не толку убава глетка – нова мини-депонија со ѓубре кое целосно го блокира тротоарот и толку многу се растурило и ја зафатило улицата, што морало да се постават сообраќајни конуси за да се заобиколува ова огромно ѓубриште.

ФОТО | Скопје длабоко „тоне“ во ѓубре – граѓаните нервозни, улиците смрдливи, отпадот несобран

„Никој не го собира отпадот со денови“, вели жителката на Аеродром која ни ги испрати фотографиите.

ЈП „Комунална хигиена“ очигледно продолжува „како досега“ со нередовно собирање на отпадот низ главниот град, кој е валкан и претворен во една огромна депонија.