Гласините за заеднички албум на раперите Фифти-сент и Еминем се шират со децении, а деновиве тие се уште поизразени поради нивните објави на социјалните мрежи.

Имено, Фифти-сент објави неколку наслови на различни написи во кои се зборува за потенцијална соработка со Емием, а во описот рече дека е подготвен да се врати на снимањето музика.

„Изгледа дека ќе се вратам во студио. Само треба да ја завршам мојата резиденција во Вегас“, напиша тој.

Раперот Баста Рајмс одговори и им испрати поддршка под објавата, а својот ентузијазам го изразија и голем број обожаватели на двајцата рапери.

„Трпеливо го чекавме ова“, „Ова може да го спаси хип-хопот“, „Ова ќе биде лудо“, „Конечно, со години чекав нова музика од Фифти-сент“, „Музиката што ја прават овие двајца е вистинско злато“, гласат цел од коментарите.

Инаку, Фифти-сент има уште шест настапи во Лас Вегас, а со нив треба да заврши до 4 јануари.