Холивудската актерка Ема Стоун блесна на премиерата на „Бугонија“ на Филмскиот фестивал во Венеција, а нејзиниот фустан привлече доста внимание.

Во софистицирана креација на „Луј Витон“, стилизирана од Петра Фланери, Ема Стоун го подигна Y2K трендот балон-работ на елегантно, повисоко модно ниво на премиерата на „Бугонија“ на Филмскиот фестивал во Венеција.

 

View this post on Instagram

 

A post shared by Just Jared (@justjared)

За свечената премиерата на „Бугонија“, Ема Стоун носеше фустан со тенки, со кристали опточени прерамки и квадратно деколте, додека тесниот корсет го нагласуваа сребрени и бели светкави апликации во аголни мотиви. Високо поставената линија на половината се отвора во слоевит балон-раб, под кој здолништето продолжува во тесна колона што го допира црвениот тепих, поврзувајќи го волуменот со издолжен, вечерен профил.

Стилистката Петра Фланери, позната по своите соработки со Зои Салдана и Кери Кондон, осмислила минималистички пристап кон накитот, истакнувајќи само еден коктел прстен.

Балон-работ, волуменозен нагласен раб што не останува незабележан, кој е повторно во мода поттикнат од инспирациите од Y2K, доби луксузна и современа форма во интерпретацијата на Ема. Слоевитиот горен раб носи игра на пропорции и движење, додека линеарната колона подолу обезбедува чиста линија и јасност на силуетата.

 

View this post on Instagram

 

A post shared by ELLE Australia (@elleaus)

Инаку, Ема Стоун е амбасадор на „Луј Витон“ од 2017 година, а неодамна, заедно со Хојеон Јунг, се појави во кампањата за есен 2025 година, која ја лансираше новата чанта „Експрес“.

Во текот на појавувањата во Венеција, оскаровката беше видена и во дневното издание во мал црн фустан со асиметрично чипкасто здолниште, потврдувајќи ја нејзината склоност кон структурирани слоеви и прецизни кроеви.

 

View this post on Instagram

 

A post shared by Valta (@valta.media)

Што се однесува до филмот, „Бугонија“ (Bugonia) е најновата соработка помеѓу Ема Стоун и Јоргос Лантимос. Филмот следи двајца теоретичари на заговор кои киднапираат моќен извршен директор, убедени дека е испратен вонземјанин да ја уништи планетата, најавувајќи сатиричен, жанровски хибрид.

ВИДЕО | „Бугонија“ доби шестминутни овации во Венеција: На Ема Стоун веќе ѝ предвидуваат трет Оскар

ФОТО | Џулија Робертс издоминира на црвениот тепих во Венеција: Повеќе од 300 часа беа потребни за изработка на нејзиниот фустан

ФОТО+ВИДЕО | Длабоко деколте и тетоважи: „Вамп“ издание на Парис Џексон на Венецијанскиот филмски фестивал