Најстариот син на познатиот фудбалер Дејвид Бекам и модната икона Викторија Бекам, Бруклин, повторно е во центарот на вниманието поради неговата, како што многумина велат, интензивна посветеност кон неговата сопруга, Никол Пелц. Неодамнешната изјава на Бруклин Бекам дека бракот со Никола била „најдобрата одлука досега“ доаѓа во контекст на сè погласните шпекулации за неговата наводна „опседнатост“.

Ситуацијата предизвикува длабока загриженост во семејството Бекам, а извори блиски до двојката велат дека Викторија и Дејвид Бекам се вознемирени поради нивото на заљубеност на Бруклин.

Неговата неодамнешна објава на Инстаграм, по повод петгодишнината откако ѝ предложи брак на милијардерката наследничка, уште еднаш ја потврди неговата силна емоционална врска, но во исто време предизвика коментари за неговото „бизарно однесување“ на социјалните мрежи.

 

View this post on Instagram

 

A post shared by @brooklynpeltzbeckham

Бруклин се заљуби на прв поглед

Бруклин и Никола се запознале на фестивалот Коачела во 2017 година, а нивната врска доби на интензитет две години подоцна, по повторната средба на забавата на Леонардо Дикаприо. Бруклин тогаш изјавил дека „се заљубил“ на таа средба, и Никола го потврдила истото.

Од раскошната свадба во 2022 година, двојката е речиси неразделна, што дополнително ги зголеми сомнежите за природата на однесувањето на Бруклин.

Аналитичарите блиски до семејството Бекам истакнуваат дека Бруклин има тенденција „многу брзо да се заљуби до смрт“, но дека брзината со која тоа се случи со Никола ги изненади дури и нив.

Се вели дека станува збор за „чиста заљубеност“ и дека Бруклин е подготвен да „прави сè што таа сака“. Оваа динамика во врската, според изворот, можеби придонела за тензии со неговото семејство, што кулминирало со неговото одбивање да присуствува на забавата по повод 50-тиот роденден на Дејвид Бекам.

Бруклин е опседнат со Никол

На социјалните мрежи кружат видеа што ја илустрираат наводната „опсесија“ на Бруклин. Едно од најсподелуваните видеа го прикажува парот на модната ревија на Викторија Бекам во Париз, каде што Бруклин, облечен идентично како Никола, изгледа вознемирен кога таа накратко си оди.

Други снимки од Мет Гала вечерите во 2021 и 2023 година го покажуваат како се обидува да „се скрие зад неа“. Исто така, во интервју за списанието Космополитан во 2023 година, одговорот на Никола на прашањето што го нервира Бруклин, „Кога нема да му ја возвратам љубовта за пет секунди?“ – дополнително ги разгоре сомнежи.

Оваа ситуација иницираше прашања за динамиката на врските во познатите семејства и влијанието на вниманието на медиумите врз приватниот живот. Иако љубовта честопати подразбира силна приврзаност, важно е да се препознаат границите на здрава врска и да се зачува индивидуалноста.