Санија Амети, швајцарска политичарка со босанско потекло и дел од движењето „Операција Либеро“ на Инстаграм објави фотографија на која пука во Богородица и Исус. Сликата е на аукциската куќа „Колер“, позната по раскошни уметнички каталози.

На Инстаграм Амети објави 2 фотографии од пукањето во Марија и Исус. На нив се гледаат дваесетина дупки од куршуми. По бурните реакции таа ја избришала фотографијата наведувајќи дека не сфатила дека може да се навредливи за христијаните.

За пукање на 10 метри ми требаа предмети што беа доволно видливи. При рака го имав само каталогот на Колер кој беше доволно голем. Не обрнав внимание на содржината на сликата. Се извинувам ако повредив некого, напиша таа.

Потоа во интервју рекла дека „тоа било навистина глупаво од нејзина страна“.

Амети е родена во Босна и Херцеговина и во Швајцарија дошла во 1995 со родителите.