Дејвид Хаселхоф (72), познат по улогата на Мич Бјукенон во култната серија „Чувари на плажата“, беше снимен во инвалидска количка на аеродромот во Канкун, Мексико.

Актерот се враќал од одмор со својата сопруга, 45-годишната манекенка Хејли Робертс, само неколку недели по смртта на неговата поранешна сопруга, американската актерка Памела Бах.

Според извор близок до Хаселхоф, актерот долго време се борел со здравствени проблеми, а дополнително бил погоден од веста за смртта на неговата поранешна партнерка. Истиот извор за „Дејли мејл“ тврди дека актерот „живее на позајмено време“ и дека со децении се бори со алкохолизам и самолекување, што денес му е тешко и нешто за што длабоко жали.

David Hasselhoff, 72, reveals health setback as he’s seen in wheelchair at airport https://t.co/xXVuhJp67V pic.twitter.com/ZC0HEcaXBM

— Page Six (@PageSix) May 8, 2025

Подоцна истиот ден, Хаселхоф беше фотографиран и на аеродромот во Лос Анџелес, каде што беше виден како куца, потпирајќи се на сопругата. Тој беше облечен во лежерна комбинација – пругаста кошула, темни панталони и црна капа.

Неговиот портпарол потврди за британскиот „Мирор“ дека актерот се чувствува стабилно и се подготвува за операција на коленото, што било причина за користење инвалидска количка за време на патувањето.

Инаку, Памела Бах, поранешната сопруга со која Хаселхоф има две ќерки, почина на 5 март во својот дом во Холивуд Хилс. Според полициски извори, смртта е резултат на самонанесена прострелна рана.

Дејвид Хаселхоф не се појави на погребот на поранешната сопруга: Ќерките одржаа потресен говор