ФОТО | Шон Пен е во Украина: Оскаровецот снима документарен филм за инвазијата на Русија
Светски познатиот актер и режисер Шон Пен е на терен во Украина и снима документарен филм за инвазијата на Русија, потврдија од студиото „Vice“ за весникот „Variety“. Оскаровецот денеска дојде на брифинг со новинарите во главниот град на Украина, Киев, и ги слушаше владините претставници кои зборуваа за кризата.
Препорачано
Пен последен пат ја посети Украина во ноември 2021 и почна да се подготвува за документарниот филм со посета на украинската војска. Фотографиите од ноемвриското патување на Пен беа објавени во тоа време од Украинската прес-служба за операции на здружените сили.
View this post on Instagram
„Пен ја посети Канцеларијата на претседателот и разговараше со заменик-премиерката Ирина Верешчук, како и со локални новинари и членови на украинската војска, откако пристигна во Украина оваа недела“, објави „Newsweek“.
View this post on Instagram
Кабинетот на претседателот на Украина објави соопштение преку украинската амбасада во кое го пофали оскаровецот актер и режисер.
Sean Penn in Ukraine filming documentary on Russian invasion https://t.co/oI3hOxv7Q5 pic.twitter.com/nGGO6tY5j7
— The Hill (@thehill) February 24, 2022
„Режисерот специјално дојде во Киев за да ги сними сите настани што моментално се случуваат во Украина и да му ја каже на светот вистината за руската инвазија на нашата земја“, се вели во соопштението. „Шон Пен е меѓу оние кои денес ја поддржуваат Украина во Украина. Нашата земја му е благодарна за таквото покажување храброст и чесност“, се вели во соопштението.
View this post on Instagram
Во соопштението се додава:
„Шон Пен демонстрира храброст што им недостигаше на многу други, особено на некои западни политичари. Колку повеќе такви луѓе – вистински пријатели на Украина, кои ја поддржуваат борбата за слобода – толку побрзо можеме да ја запреме оваа грозоморна инвазија на Русија“.
Пен беше во центарот на многу антивоени и хуманитарни операции низ годините. Документарниот филм „Граѓанинот Пен“ на „Дискавери Плус“ од 2020 беше за напорите на актерот во основањето на непрофитната организација КОРЕ (CORE), по земјотресите на Хаити во 2010. КОРЕ распореди и тимови за да помогне со тестирањето за ковид-19 и вакцинирање низ целата земја.
