Џисин Булок Прадо, се огласи на социјалните мрежи по смртта на Брајан Рандал, долгогодишниот партнер на нејзината сестра, познатата актерка Сандра Булок.

Таа во емотивна објава, откри дека Сандра мнгоу посветено се грижела за својот партнер во неговите последни денови, по тригодишната борба со Амиотрофична латерална склероза (АЛС).

„Убедена сум дека Брај го најде најдоброто место за риболов  во рајот и веќе ја фрла својата мамка од лосос во брзаците“, напиша таа покрај фотографијата од Брајан.

„АЛС е сурова болест, но има одредена утеха во сознанието дека тој ја имаше најдобрата нега, благодарение на мојата неверојатна сестра и тимот медицински сестри кои таа ги собра за да и помогне да се грижи за него во нивниот дом. Почивај во мир Брајан“, даде Џисин.

Инаку, Сандра  и Брајан се запознаа во 2015 година, кога актерката го ангажираше, како успешен фотограф, да ја фотографира забавата за петтиот роденден на нејзиниот син Луис. Кратко потоа, тие ја започнаа нивната љубовна врска.

Овој викенд, по тригодишната борба со тешката болест, Брајан почина на 57-годишна возраст. Веста за неговата смрт ја објави семејството, кое побара приватност во овие тешки мигови за нив.

Почина долгогодишниот партнер на Сандра Булок, три години се бореше со АЛС