Американската пејачка и актерка Џенифер Лопез замина на одмор во Аспен по божиќните празници, каде била забележана во друштво на познатиот актер Кевин Костнер. Папарацо-фотографите ги фотографирале во кафеана, а судејќи по тоа – тие одлично се забавувале.

Лопез и Костнер биле во лежерни изданија што се однесува до облеката. Латино ѕвездата уживала во својот пијалок, разговарала со пријателите и имала широка насмевка на лицето. И актерот бил прилично опуштен и разговарал со присутните.

На фотографиите не може да се забележи дали пејачката и актерот разговарале еден со друг, но и покрај ова се појавија шпекулации за нивниот однос.

И двајцата неодамна поминаа низ разводи, па обожавателите се запрашаа меѓу нив има повеќе од пријателство. Лопез годинава поднесе барање за развод од актерот Бен Афлек, по две години брак. Минатата година Костнер се разведе од сопругата Кристин Баумгартнер по 18 години брак и многубројни преговори за финансиите.

Лопез и Афлек останаа во добри односи по разделбата, па дури и заедно го прославија Божиќ. Деновиве се сретнале на ручек каде си размениле подароци.

„Тие имаат секаква намера да продолжат да си бидат дел од животите и покрај тоа што не се во врска. Бен и Џенифер сè уште се поврзани и комуницираат кога станува збор за нивните деца“, изјави извор за „Дејли мејл“.