Македонскиот рапер Тони Зен е повторно активен на музичката сцена – има настапи како диџеј низ Македонија, сними неколку дуетски песни со Слаткаристика, меѓу кои и последната „Спушти се доле 2“, и се подготвува за претстојниот голем концерт во Скопје, којшто ќе се одржи во октомври. По динамичниот период, раперот си подари заслужен одмор и тоа во друштво на најблиските.

Имено, тој замина на семејно патување во Франција, заедно со сопругата и синот Јасен, каде што уживаа во убавините на Париз и неизбежниот Дизниленд. Тони Зен сподели неколку убави моменти од патувањето – крстарење по Сена, поглед на Ајфеловата кула, прошетки низ шармантните париски улици, па дури и појадок во свој стил: бурек со ајран.

Посебно внимание привлече видео од Дизниленд, на кое се гледа возбудениот Јасен додека чека ред за една од забавните железници.

„Апсолвентска 2025“, напиша Тони Зен шеговито под една од фотографиите.