Македонскиот актер Жарко Димоски и неговата сопруга Андреа Јосифова уживаат на романтично патување на Малдивските Острови, место каде што пред три години го поминаа и медениот месец.

За да биде ова патување уште позначајно, овој пат со нив е и нивниот едногодишен син Вито.

Димоски сподели фотографии од идиличната атмосфера – бел песок, тиркизна вода и многу насмевки.

Семејството изгледа посреќно од кога било, а двојката ја ја искористи оваа прилика да создаде нови спомени и да ја зацврсти љубовта во егзотичниот тропски рај.

Исто така, актерот објави и една своја фотографија на плажа, со која покажа дека е во одлична физичка форма.

Да потсетиме, Жарко и Андреа направија црквена венчавка во Ровињ, во 2020 година, но поради пандемијата ја одложија свадбената прослава за две години подоцна. По свадбата, тие заминаа на меден месец на Малдиви.

ВИДЕОИНТЕРВЈУ | Одблиску и лично со актерот Жарко Димоски: Имам чест да испишувам историја