ФОТО | Семејна идила: Ирина и Павле Камилоски слават 40 дена од раѓањето на малата Лена!
Познатата планинарка Ирина Камилоска и нејзиниот сопруг, пејачот Павле Камилоски, станаа родители по вторпат на 13 јануари годинава, добивајќи ја својата ќеркичка Лена. Таа пристигна една и пол година по раѓањето на нивниот син Јосиф, проширувајќи го нивното семејство за уште еден симпатичен член.
Препорачано
Ирина, позната по својата пасија за планинарење, не се откажа од качувањето на Водно до последниот ден од својата бременост, дури и во 42. недела. Набргу по породувањето, таа повторно се искачи на планината, овојпат носејќи ја малата Лена во „кенгур“ носилка.
Изминатиов викенд, Ирина и Павле објавија неколку фотографии со кои ја одбележаа 40 дена од раѓањето на Лена. Овој датум има посебно значење за нив, бидејќи токму на истиот ден започнала нивната љубовна приказна.
На своите инстаграм-профили, тие споделија моменти од семејната атмосфера, вклучувајќи ручек со двете деца во скопски ресторан. Подоцна, објавија фотографии каде што се дотерани во црно и танцуваат.
„22.2.2022 палиндром
Датумот кога започна нашата љубовна приказна…
Истиот ден денес, нашата Лена направи 40 дена, а ние сме веќе четиричлено семејство.Ти благодарам Господе за сите убавини што ми ги подари овие три години“, напишаа тие во описот на објавата.
