ФОТО | Семејна драма: Кортни Кардашијан ги искоментира гласините дека нејзиниот 15-годишен син има дете
Ѕвездата на реалните шоуа Кортни Кардашијан ги демантираше гласините дека нејзиниот син Мејсон Дисик тајно добил дете, пренесува „Дејли мејл“.
Препорачано
„Ретко зборувам за гласините и заверите кои ме вклучуваат мене или моето семејство, но овде станува збор за моето дете и не е во ред да се мисли дека овие лаги се донекаде вистинити. Не се. Мејсон нема дете. Овие профили кои се преправаат дека се тој, дефинитивно, не се. Тие се лажни. Мојот син многу ја цени својата приватност и ги молам сите медиуми за почит – тој е дете со чувства и убав живот пред него. А, сите други луѓе кои снимаат видеа за моите деца, кои се попатно кажано – малолетни, ве молам да престанете со тоа и да ги оставите во мир“, изјави Кардашијан.
Гласините започнаа кога Мејсон, наводно, објави фотографии на својот „таен инстагам-профил“, од девојче за кое тврдеше дека е неговата ќерка, Пајпер. На прашањето на следбеник дали има дете, Мејсон одговорил потврдно. Во една објава тој дури ја нарече Пајпер „неуспешна заштита“, а неколку следбеници коментираа дека Мејсон и Пајпер многу личат. Додека едни се сигурни дека ова е скандал што Кардашијан нема да го признаат, други сметаат дека се работи за лажен профил на најстариот син на Кардашијан.
Инаку, Мејсон се пресели кај неговиот татко Скот Дисик пред две години , кој неодамна откри дека го учи својот син за тоа како да се однесува во романтична врска.
„Во последно време навистина се заљубува во девојки. Можете да правите што сакате, но не смеете да ги лажете и да манипулират со девојките“, изјави Дисик на таа тема, откривајќи кои се советите кои му ги дава.
Таткото го советувал синот и за прашањето за консумирање алкохол.
„Му објаснувам на Мејсон како алкохолот влијаеше на мене и тешките ситуации во кои ме стави, а тој тоа го знае. Овие разговори се случуваат постојано. Му реков: ‘Ако воочам проблем со пиењето кај тебе, ќе направам нешто. Но, освен тоа, ти си исто како секое друго дете. Ќе се обидеш да пиеш…“, рекол Дисик.
Во мај 2024 година, Мејсон официјално се приклучи на Инстаграм и моментално има 874.000 следбеници на платформата. Иако создаде инстаграм-профил уште во 2020 година, мораше да го избрише бидејќи го создаде зад грбот на неговите родители. Неговиот профил на ТикТок, исто така, претходно беше оневозможен поради кршење на условите за користење, според кои корисниците треба да имаат 13 или повеќе години, а Мејсон во тоа време имаше 10 години.
