Нина Шербеџија, најстарата ќерка на легендарниот актер Раде Шербеџија и режисерката Ленка Удовички, го кажа судбоносното „да“, на својот долгогодишен партнер, актерот Филип Ѓуричиќ.

Заљубената двојка се венча во Нови Сад, каде беше организирана и свадбената веселба. Нина носеше долга, раскошна венчаница, а нејзиниот татко ја одведе до олтарот.

На фотографиите од венчавката се забележува дека семејството и гостите уживаат и се забавуваат во добра музика. Дел од гостите дури и свиреле на тапани и гајди.

Нејзините сестри Луција, Вања и Милица и братот Данило биле едни од највеселите, а поради добрата забава и на останатите им било тешко да седат. Во еден миг во чест на својата ќерка, Раде запеал со многу емоции.

По интимната, свадбена церемонија до доцните часови се славело со тамбураши.