Музичарката и актерка Деми Ловато се омажи за текстописецот Џордан Лутс, дознава „Вог“. Свадбата се одржа овој викенд во Калифорнија. Невестата одеше до олтарот во венчаница од Вивиен Вествуд.

„Долго време сум обожавател на дизајните на Вивиен Вествуд“, изјави Деми за „Вог“.

„Кога размислував за стилот на облекување што го сакам, често се враќав на нејзините дизајни, особено затоа што тие навистина ги истакнуваат облините на телото“, рече Деми.

 

View this post on Instagram

 

A post shared by Demi Lovato (@ddlovato)

Ноќта пред свадбата, поп-ѕвездата и нејзиниот сегашен сопруг беа домаќини на пробна вечера. Организаторката на свадби Минди Вајс беше водителка на церемонијата. Овој ден на вљубените, Деми објави серија фотографии со Џордан и нагласи колку едвај чека свадбата.

„Џордан, едвај чекам да се омажам. Изминатите три години беа најубавите три години во мојот живот и ти благодарам за тоа. Опседната сум со твоето срце, љубов и светлина. Едвај чекам да остарам со тебе и да основам семејство“, напиша Деми.

Двојката се запознала во студиото во јануари 2022 година додека работеле заедно на музиката за албумот на Деми, „Holy Fvck“. По речиси две години врска, Џордан ѝ предложи брак на поранешната ѕвезда на Дизни во декември 2023 година.

Ловато беше свршена со актерот Макс Ерик во 2020 година, но нивната врска не траеше долго и тие раскинаа само неколку месеци откако си предложија брак.

Минатата година, Деми го издаде документарецот „Детска ѕвезда“, кој зборува за подеми и падови од растењето во рефлектори. Во документарецот, Деми разговара и со други поранешни деца актери како Дру Баримор, Кенан Томпсон, Рејвен-Симоне и други, кои се сеќаваат на своите искуства во Холивуд и долготрајните последици што ги носеле со себе.