Сара Фергусон, војвотката од Јорк и поранешна сопруга на принцот Ендру, јавно испрати порака за поддршка на Кејт Мидлтон, која минатата недела објави дека има рак.

„Моите мисли и молитви се со принцезата од Велс додека го започнува своето лекување. Знам дека ќе биде опкружена со љубовта на нејзиното семејство и сите се молат за најдобар исход. Како некој кој се справува со сопствената битка со ракот во последниве месеци, јас сум воодушевена од начинот на кој јавно зборуваше за нејзината дијагноза“, напиша Фегусон во објавата на Инстаграм.

На крајот, таа додаде дека се надева дека принцезата сега ќе добие „време, простор и приватност“ за заздравување.

Да потсетиме, на Сара Фергусон ѝ беше дијагностициран рак на кожата пред два месеци, само шест месеци откако беше лекувана од рак на дојка.

На Фергусон ѝ беше дијагностициран малигнен меланом (форма на рак на кожата) откако ѝ беа отстранети неколку бенки, но едната се покажала како канцерогена.

Портпаролот на Фергусон тогаш изјави дека војвотката не го изгубила духот и покрај дијагнозата.