ФОТО | Сара Фергусон ги откри последните зборови на кралицата Елизабета: „Тие сè уште ме тераат да се расплачам“
Во интервјуто за Сандеј тајмс објавено на 14 декември, војвотката од Јорк се осврна на нејзиниот живот пред да се приклучи на кралското семејство и на тоа како успеала да создаде блиско пријателство со кралицата Елизабета.
Препорачано
Елизабета Втора станала мајчинска фигура за Фергусон во отсуство на нејзината мајка, а во ова интервју таа ги откри и последните емотивните зборови што крлицата ѝ ги упатила.
Фергусон објасни како кралицата Елизабета ја поддржувала откако нејзината мајка ја оставила во Велика Британија за да започне нов живот во Аргентина со нејзиниот втор сопруг, Хектор Барантес Сансони.
„Мајка ми беше нејзина блиска пријателка, па кралицата ме познаваше цел живот и ме сакаше. Кралицата ми беше многу повеќе мајка отколку мојата. Ја нарекував мајко. Таа никогаш не ме изневери, иако јас ја изневерив неа. Дури и во најтемните денови, таа никогаш не ме напушти“, призна таа.
Војвотката од Јорк, се осврна и на нејзините „најмрачни денови“, припишувајќи ѝ ги заслугите на кралицата што ѝ помогнала да се справи со ниската самодоверба во услови на постнатална депресија и коментарите на јавноста за нејзиниот изглед.
„Бев зависничка од храна. Фактот што можев да ги „изедам“ емоциите беше единственото нешто што ми го спаси животот. Се изгубив, веројатно обидувајќи се да бидам како Дијана“, рече таа.
Суровиот прекар „Војвотката на свинско месо“ што ѝ го додели јавноста, вели таа, сериозно влијаел на нејзината самодоверба.
– Но, кралицата секогаш беше тука за мене. Најдобриот совет што ми го даде беше и последното нешто што ми го кажа: „Сара, запомни дека си доволно добра“. Тие зборови сè уште ме тераат да се расплачам – признава Фергусон, додавајќи дека со кралицата одржувала блиски односи сè до нејзината смрт.
Кралицата ги шетала своите кучиња на редовни прошетки во Виндзор Гарденс, при што често ѝ се придружувала нејзината поранешна снаа Сара.
„Војвотката се поврза со нејзиното височество околу шетањето на кучињата и јавањето коњи, а дури и по разводот, таа го продолжи своето големо пријателство со нејзиното височество, шетајќи ги кучињата и разговарајќи“, изјави извор за британски Телеграф.
