Познатата актерка Сара Џесика Паркер (60) ја негува својата природна седа коса, а токму во вакво издание беше видена во Хемптонс овие денови, само неколку дена откако беше потврдено дека серијата „И токму така“ повеќе нема да се снима по третата сезона.

По веста, актерката се повлече од јавноста и се посвети на своето семејство, но никој не очекуваше дека ќе заборави на својот изглед, кој можете да го погледнете тука.

Многумина дури и не ја препознаа кога помина покрај нив бидејќи изгледаше сосема поинаку од вообичаеното. Во бело-сив цветен фустан и кардиган, таа одеше по улицата, носејќи патики и очила за сонце, а својата препознатлива долга коса  беше врзана во пунџа.

За потсетување, актерката се збогува со својата иконска улога на Кери Бредшо по речиси 30 години откако првпат го отелотвори овој популарен лик. Паркер првпат ја играше улогата на Кери во 1998 година, во серијата „Сексот и градот“. Таа глумеше во сите шест сезони, до 2004 година. Ја играше и Кери во истоимените филмови, а пред четири години се врати на истата улога во серијата „И токму така…“ Нејзината Кери не беше само лик, туку стана и културен феномен.