Ѕвездата на реалните шоуа Кортни Кардашијан и нејзиниот сопруг, музичарот Тревис Баркер, го прославија Божиќ на интимен и романтичен начин, a познатата инфлуенсерка изгледаше како вистинска Баба Мразица.

За време на оваа посебна вечер, парот сподели среќни моменти со своите фанови на социјалната мрежа Инстаграм, покажувајќи колку се заљубени.

Кортни носела црвен фустан со бело крзно на здолништето и капата, предизвикувајќи вистинска празнична атмосфера.

Додека таа била облечена во духот на празниците, рокерот бил поопуштен – во сив дуксер и темни фармерки, но и тој со својата појава придонесе за оваа идилична сцена.

Двајцата го украсија својот дом со елка, создавајќи мирна и интимна атмосфера додека седеа на ќебиња и перници, уживајќи во блискоста.

Музиката исто така одигра улога – Кортни и Тревис уживаа во стари плочи, а меѓу албумите што ги слушаа беа „Let It Bleed“ на „Ролинг Стоунс“ и „Nevermind“ на Нирвана.