Ракометарите на Алкалоид започнаа со европските настапи во квалификациите за Европската лига на ЕХФ и не успеа да дојде до позитивен резултат на гостувањето кај ТСВ Хановер-Бургдорф (37:27) во првиот меч од квалификацискиот двомеч.

На ова гостување играчите на тренерот Кирил Лазаров имаа поддршка од голем број Македонци кои дојдоа на трибините.

Реваншот меѓу двата тима ќе се игра за седум дена во салата „Автокоманда“ во салата Автокоманда со почеток од 19.30 часот, а подобриот ќе патува во групната фаза.

Натпреварот тргна во брз ритам, без разлика дали беа акции од транзиција или пак беа позициски напади. Домашните први преземаа контрола благодарение на одбранет седмерец и една техничка грешка на Алкалоид и поведоа со два гола разлика. Алкалоид се врати во егал по осум минути игра (6:6), а Тордарсон беше играчот кој непогрешливо стрелаше кон голот на Жоел Бирлем. Алкалоид за првпат и поведе во 10 минута (10:9), а Исланѓанецот имаше 5/5, но дојде и период на промашени шутеви и грешки и тоа ги врати домашните во егал, а во 15 минута успеаја да поведат и со 14:11 по што Лазаров побара тајм-аут.

Голманот Бирлем успеа да скроти уште еден зицер, а тоа им продуцираше контра напад за 16:12. Алкалоид брзо намали преку Борзаш, потоа следеа две одбрани на Галевски, но не ги искористи Алкалоид за да намали затоа што и Бирлем одбрани двапати по ред.

На полувремето, Хановер ја задржа позитивата, на пауза замина со 19-15. Почетокот на вториот дел претежно беше гол за гол, двата тима погодуваа сѐ до 24:19, а во тие моменти Алкалоид остана со играч помалку затоа што Велковски доби црвен картон и противникот тоа го искористи.

Највисоката позитива која бундеслигашот ја имаше пред својата публика беше плус од 10 гола. Најголемиот проблем на РК Алкалоид на овој меч беше реализацијата, а за тоа говори податокот дека голманите на ривалите собраа 19 одбрани.

Најефикасен во редовите на РК Алкалоид беше Тордарсон со 10 голови, следен од Ѓоргиев со четири, а по три запишаа Д. Митев и Борзаш. На спротивната страна за германскиот клуб Мариус Стеинхаузер запиша 11 погодоци.