Иван Босиљчиќ и Слобода Миќаловиќ во познатата серија „Ранетиот орел“ глумеа вљубена двојка која поминува низ бројни тешкотии, за конечно да дочекаат „среќен крај“ во серијата по книгата на писателката Милица Јаковљевиќ, попозната под псевдонимот Мир-Јам.

Иван и Слобода сега се потсетија на тие денови и објавија фотографија со девојчето кое ја глумеше нивната ќерка, како и фотографија 16 години по емитувањето.

– Деновите минуваат… 2008 наспроти 2024 година“, напишал Иван во описот на оваа фотографија која разнежи и воодушеви многумина.

Инаку, во прашање е Теодора Јелисавчиќ. Таа во 2008 година имаше само четири години и на првото појавување ги освои срцата на публиката. Таа се појави и во „Отворени врати“ во 2013 година, како и во неколку реклами, но потоа не беше видена никаде во јавноста, сè до оваа фотографија.

Се гледа дека малата Теодора пораснала во прекрасна девојка.

Коментарите под оваа објава се нижеле.

„Преслатка слика! Само се прашував како изгледа денес тоа слатко девојче! Порасна во прекрасна девојка… Останува мистерија како нејзините родители од серијата не стареат ниту ден?! Тие се подеднакво млади и убави како тогаш“, „Можно ли е да поминаа 16 години?“, но една особено го привлече вниманието на многумина коментарот од италијанската филмска дива Моника Белучи која остави емотикон на срциња.

Моника и Слобода станаа блиски пријателки на снимањето на филмот „На млечниот пат“ во 2013 година во режија на Емир Кустурица, а славната италијанска актерка често ги коментира фотографиите на Слобода.