Вики Барлоу неочекувано пронашла редок морски полжав, додека истражувала околу брегот на јужен Корнвол. Според експертите, имало само три претходни видувања на ова морско суштество во Велика Британија. Но, ова бил првпат да се најде во природен карпест базен, пренесува „Би-би-си“.

Се смета дека првпат е забележан ваков вид на полжав, во 2022 година кај островите Скили.

„Морскиот полжав со шара на виножито, познат под стручниот термин „Babakina anadoni“, се карактеризира со светли бои и необични форми“, објасни морскиот биолог д-р Бен Холт за „Би-би-си“.

Обично овој полжав се наоѓа во топлите морски води во близина на западниот брег на Шпанија, Португалија и Франција.

„Забележувањето на морскиот полжав е доказ за „масивните промени“ во морскиот свет, кој се појавува во последните пет години“, додал д-р Холт.