ФОТО | Принцот Луис го слави петтиот роденден: Кралското семејство сподели нови фотографии од слаткото момче
Најмалиот син на принцот Вилијам и принцезата Кетрин, принцот Луис денеска го слави својот петти роденден, објави „Би-би-си“.
Препорачано
По тој повод, на официјалниот инстаграм-профил на неговите родители беа објавени две негови фотографии. На едната фотографија е сам и со широка насмевка, а на втората фотографија е со неговата мајка, која го турка во количка.
Како ново отстапување од традицијата, фотографиите ги направи фотографката Мили Пилкингтон, а не принцезата Кетрин. Фотографиите на неговата мајка, принцезата од Велс, редовно се користат за одбележување на родендените на младите кралски членови.
Претходно оваа недела, принцезата Кетрин објави слика од покојната кралица Елизабета Втора, опкружена со некои од нејзините внуци и правнуци за да го одбележи денот на раѓањето на кралицата.
Имено, 41-годишната принцеза е искусен фотограф и покровител на Кралското фотографско друштво.
Луис е четврти во редот за тронот по смртта на кралицата Елизабета Втора во септември минатата година.
Според објавите во медиумите, и принцот Луис ќе присуствува на крунисувањето на кралот Чарлс Трети, кое ќе се случи на 6 мај. Тој ќе ги придружува братот Џорџ и сестрата Шарлот во поворката од Вестминстерската опатија.
Како потсетување, тој не присуствуваше на државниот погреб на кралицата Елизабета Втора во Вестминстерската опатија, бидејќи се сметаше дека е премногу млад за да присуствува на службата со неговите родители.
