ФОТО | Претставникот на Холандија ја бојкотираше претставничката на Израел на Евровизија: Кружи фотографија што прави додека таа зборува
Џуст Клајн, претставникот на Холандија на Евровизија, на прес-конференцијата по второто полуфинале што се одржа синоќа, ја покри главата со знамето на својата земја при претставувањето на Еден Голан, претставничката на Израел.
Препорачано
-
1
-
2
-
3
BREAKING ???
Dutch Eurovision representative Joost Klein takes a nap during speech by the Israeli artist. pic.twitter.com/XjQ7WeVHAe
— Politics For You (@PoliticoForYou) May 9, 2024
Многумина ова го протолкуваа како негов знак на протест против учеството на Израел на Евровизија и покрај бројните протести и барања од публиката и јавноста Израел да биде дисквалификувана.
Оваа фотографија набрзо стана вирална на социјалните мрежи, и додека некои го коментираа негативно, други сметаат дека неговата одлука е правилна и дека има право на свој начин да бојкотира.
Израел заедно со преостанатите девет земји се пласираше во финалето и по настапот на својата претставничка Еден Голан скокна како молња на обложувалниците и сега е на второто место, веднаш под Бејби Лазања, кој годинава ја претставува Хрватска.
Покрај Израел, во финалето на Евровизија 2024 се пласираа и следните земји: Летонија, Австрија, Холандија, Норвешка, Израел, Грција, Естонија, Швајцарија, Грузија и Ерменија. Ним ќе им се придружат и земјите кои се изборија за место во вторникот, на првата полуфинална вечер, меѓу кои се и Хрватска, Србија, Словенија, Португалија, Украина, Литванија, Финска, Кипар, Ирска и Луксембург.
Финалната вечер на Евровизија ќе се одржи утре во шведскиот град Малме.
Второ полуфинале на Евровизија: Израел успеа да се пласира во финалето
