Американската актерка Кристен Стјуарт (33) присуствуваше на премиерата на нејзиниот нов филм „Љубов, лаги, крварење“ („Love Lies Bleeding“) во Беверли Хилс.

Стјуарт ги изненади присутните со својот невообичаен изглед, облечена само во црно боди кое едвај ѝ го покриваше меѓуножјето, проѕирни црни хулахопки и црни потпетици. Таа лежерно ја тргна црната јакна од рамениците и ја врза косата во неуредна, но елегантна пунџа.

„Љубов, лаги, крварење“ е романтичен трилер во режија на Роуз Глас со Кристен Стјуарт, Кети О’Брајан, Џена Мелоун, Ана Баришников, Дејв Франко и Ед Харис во главните улоги.

Филмот ја раскажува приказната на сопственичката на теретана Лу (Кристен Стјуарт), која се вљубува во Џеки (Кети О’Брајан), бодибилдерка која минува низ градот на пат да се натпреварува во Лас Вегас. Нивната страсна љубовна приказна добива мрачен пресврт и тие се заплеткуваат во криминалната мрежа на семејството на Лу, при што Ед Харис, Дејв Франко и Џена Мелоун ги играат нејзините братучеди.

„Тоа е насилен филм. Насилството може да биде многу забавно во филмовите. Имавме неверојатни визуелни ефекти и акробации, а звукот беше генијален. Секој оддел даде сè од себе“, изјави Глас пред публиката на филмскиот фестивал „Санденс“.

Овој изглед на Кристен Стјуарт на црвениот тепих дојде откако таа се отвори за реакциите на нејзината насловна страница на „Ролинг стоун“.

„Постоењето на женското тело, кое наметнува секаков вид сексуалност, што не е исклучиво за стрејт мажи е нешто со кое на луѓето не им е многу удобно, и затоа сум многу среќна поради тоа“, изјави актерката за „Холивуд репортер“.

Kristen Stewart, Rolling Stone’s March cover star, just wants to “do the gayest thing you’ve ever seen in your life.”

After more than two decades in the spotlight, she knows who she is — and what she wants.

Cover story/Photos: https://t.co/c7jbLK5gpd pic.twitter.com/ljbryy9L6x

— Rolling Stone (@RollingStone) February 14, 2024

Актерката позираше во машки гаќи и направи впечатлива „машка поза“ додека теретаната е во втор план.

„Десничарите се згрозени од нашата насловна страна со Кристен Стјуарт“, пишуваат од „Ролинг стоун“, мислејќи на актерката која позираше во кожна јакна без ракави и машки гаќи.

Американската актерка, која се идентификува како бисексуалка, смета дека работите се развиваат и се движат напред и дека времето кога некои филмови ги дефиниравме како „квир“ е минато.