Рок-групата „NeedToBreathe“ се соочува со сериозна криза откако поранешниот гитарист Бо Рајнхарт го обвини својот брат, пејачот Бер Рајнхарт, за сексуална злоупотреба која, како што тврди, се случила во детството.

Сериозните обвинувања против сопствениот брат и други власти, Бо ги објави на својот Инстаграм, тврдејќи дека бил злоупотребен од водач на камп, младински пастор, а исто така и од сопствениот брат Бер.

„Јас сум алкохоличар. Јас сум грешник, но сум и верник. Верувам во Божјата благодат и верувам дека неговата благодат е постојана, иако не ја заслужуваме“, напиша Бо.

 

View this post on Instagram

 

A post shared by Bo Rinehart (@borinehart3)

Бер ги негира обвинувањата и потврдил дека и двајцата биле жртви, а еден ден подоцна, Бер се огласи и преку Инстаграм, нарекувајќи ги обвинувањата на својот брат „длабоко болни и погрешно претставени“.

„Никогаш не би избрал јавно да го оцрнувам, особено сега кога е јасно дека е во голема болка. Но, како татко и сопруг, морам да го заштитам моето семејство од тврдења што не се вистинити“, напиша Бер.

Терапија, исповед и раскинување

Бер тврди дека откако двајцата мажи сфатиле дека биле злоупотребени, отишле на терапија за да успеат да ги надминат тагата, срамот, гневот и конфузијата што ги носеле од детството.

„За време на дводневна интензивна сесија со Бо пред пет години, сфатив дека и тој бил повреден од работи што се случиле во нашите тинејџерски години“, рече тој.

„На таа терапија, ја презедов целосната одговорност за секој дел од болката што ја предизвикав“.

Бер додава дека во тоа време двајцата зборувале за својата заедничка траума и дошле до разбирање дека се две момчиња кои се обидуваат да се справат со нешто незамисливо