ФОТО | Посетителите на новата изложба на Марина Абрамовиќ мора да се протнат меѓу две голи тела за да влезат
Посетителите на новата изложба на Кралската академија мора да се протнат меѓу два голи модели за да влезат на изложбата. Необичната инсталација е дел од ретроспективата на кариерата на српската перформанс уметница Марина Абрамовиќ, пишува „Би-би-си“ (BBC).
Препорачано
Има и посебен влез за оние на кои им е непријатно да се стискаат низ голите изведувачи.
Изложбата инаку доби мешани критики од критичарите, „Гардијан“ ја нарече „витална“, но „Тајмс“ ја нарече „безмилосна“.
Влегувањето меѓу двајцата голи изведувачи ги принудува оние кои купиле билети на „конфронтација меѓу голотијата и полот, сексуалноста и желбата“, изјави шефот на Кралската академија, Андреа Тарсија.
Необичниот перформанс за првпат беше поставен во 1977 година од страна на Абрамовиќ и нејзиниот тогашен германски партнер Улај. Целосно голи, паровите стоеле блиску еден до друг на вратата, принудувајќи ги посетителите да поминат меѓу нив.
Критичарот на „Телеграф“, Аластер Сук, рече дека бил „преокупиран со тоа да не им ги згазне прстите“ додека поминувал меѓу паровите за време на новата инсталација во Лондон.
„Не мора да поминувате низ ‘голите порти’. Има и бајпас, но тоа е мамење“, додаде Лаура Фримен од „Тајмс“. „Се стиснав, го вовлеков стомакот, обидувајќи се да не газам ничии прсти“.
Ретроспективата ја опфаќа полувековната кариера на Абрамовиќ. Таа е првата жена уметник која има самостојна изложба во главните галерии на Кралската академија во нејзината 255-годишна историја.
