Доколку го погледнете инстаграм-профилот на Им ќе видите дека таа изгледа како и секое друго човечко суштество, но ќе погрешите.

Им има повеќе од 300.000 следбеници на Инстаграм кои секојдневно ги следат нејзините објави каде рекламира брендови како Ферагамо, снима за модните едиторијали и учествува во предизвиците на ТикТок.

Виртуелните инфлуенсери и пред пандемијагта имаа големо влијание на социјалните мрежи. Според експертите, се очекува дека брендовите ќе потрошат околу 15 милијарди долари на маркетинг инфлуенсери до 2022 година, за разлика од минaтогодишните 8 милијарди.

Ова е особено важно за компаниите, бидејќи тие заработуваат пари во време кога вистинските „живи“ sвезди кои претходно биле ангажирани се ограничени поради коронавирусот.

Се поголем дел од тие пари ги заработуваат виртуелни инфлуенсери, а традицоналниот маркетинг доживува вистински поместувања.

„Виртуелните инфлуенсери, иако лажни, имаат вистински деловен потенцијал. Долгорочно, поевтино е да се работи со нив отколку со луѓе. 100% можеме да ги контролираме, а може да се појават на повеќе места одеднаш и што е најбитно, никогаш не стареат и не умираат“,  вели еден експерт за маркетинг.

Поради ситуацијата многу големи компании како што е Порше, се свртеа кон промовирање на својот бренд преку инфлуенсери како Им.

Експертите велат дека новите инфлуенсери може да „заработат“ во иднина.

Ова има смисла во бизнисот, но сепак важно е да се разгледа етичката страна за изнајмување роботи да играат луѓе, велат повеќето.

Во склад со технолошкиот напредок луѓето за повеќе професии и работи кои ги вршат добиваат компјутерски генерирани личности или роботи кои ги заменуваат.