Парис Хилтон (42) сподели изненадувачка објава за Денот на благодарноста, во која соопшти дека е „благодарна“ за нејзината ќерка Лондон, пишува „Дејли мејл“.

Една од најголемите ѕвезди на реалните шоуа ја објави среќната вест, објавувајќи фотографија од розева бебешко облека, на кое е испишано името „Лондон“. Со ова, таа го откри полот и името на најновиот член на семејството Хилтон/Реум.

Откако првично ги збуни фановите со тоа што претходно не откри дали бебето е на пат или е веќе родено, Хилтон во коментар на ТикТок појасни дека нејзината ќерка веќе пристигнала, пишувајќи: „Мојата принцеза пристигна!“.

Иако веста за пристигнувањето на нејзиното второ дете е прилично изненадување, самото име не е. За време на една од епизодите на нејзиниот поткаст, емитувана во март годинава, таа откри дека веќе го избрала името Лондон за нејзината идна ќерка, ако некогаш ја добие.

„Навистина сум возбудена то Феникс еден ден ќе добие сестра – Лондон. Тоа е мојот омилен град и отсекогаш сакав да ја именувам ќерка ми така. Всушност, јас го избрав тоа име пред многу долго време. Веројатно, пред повеќе од 10 години. Отсекогаш сум го сакала Лондон. Го сакам тоа име за мојата ќерка“, изјави таа.

Наследничката на семејството Хилтон, именувана по францускиот главен град, очигледно сакала да ја одржи традицијата на именување деца по градови. Иако, таа признала дека не ѝ било лесно да го избере името Феникс за нејзиниот син.

„Беше тешко да се избере (Феникс), бидејќи многу од градовите што ми се допаѓаат едноставно нема да звучат добро како име. Ибица би било толку чудно како детско име, Вегас би бил чуден. Тешко е да се најде кул име од тој тип за момче“, рече таа.

Да потсетиме, ова е нејзиното второ дете со сопругот Картер Реум (42). Двојката веќе го има синот Феникс, кој го добија благодарение на сурогат-мајка во јануари годинава.

Хилтон стапи во брак со Реум во 2021 година. По неуспешните обиди да станат родители, по природен пат и со ин витро, тие решиле да добијат дете со помош на сурогат-мајка.