Доделувањето на наградите САГ се одржаа викендов во Лос Анџелес и за разлика од другите награди, како што се Оскарите или Златните глобуси, кои им оддаваат почит на режисерите, писателите и продукциските тимови, наградите САГ се посветени исклучиво на актерите.

Доделувањето на овие награди традиционално привлекува внимание, но оваа година освен совршените модни изданија на актерките, многумина мислат дека овогодинашната церемонија ќе се запамети и по најслабите изгледи досега на дел од холивудските ѕвезди. Холивуд веќе некое време не крие дека е фасциниран од лекот за брзо слабеење „оземпик“, всушност наменет за дијабетичари. А, претерано слабите фигури на актерките само дополнително ги поттикнаа шпекулациите за неговата употреба меѓу познатите личности.

Имено, славната актерка Деми Мур која ја доби наградата за најдобра актерка, вниманието го привлече и со својот стајлинг. За црвениот тепих избра црн фустан за кој многумина велат дека е ризичен, но актерката одлично го носела. Иако имаше прекрасна модна комбинација, главна тема беше и нејзината слаба фигура.

Таа не е единствената на листата на познати личности кои видно ослабеле, тука се најде и Селена Гомез. Познатата актерка и пејачка драстично го промени својот изглед, па беше невозможно нејзината витка линија да не се забележи на црвениот тепих. Селена Гомез блесна на овој настан, но кога ќе се споредат нејзините фотографии од пред само шест месеци, разликата е огромна.

На мета на коментари се најде и славната актерка Кети Бејтс, со оглед на тоа дека буквално се преполови, сепак, претходно ги демантираше гласините дека користи „оземпик“. Изгледа дека навистина не ѝ верувале…

Дел од оваа постава на преслаби актерки е и Аријана Гранде, која речиси редовно изненадува со слабиот изглед, па тоа веќе не е новост. Обожавателите се прилично загрижени за неа и изгледа како секој пат да станува се послаба и послаба, толку многу што ѝ се гледааткоските.

Истото го кажуваат и за Деми Мур, која навикнавме секогаш да биде на врвот кога се во прашање елеганцијата, шармот и убавината.

„Озепмик“, лек кој многу познати личности веќе го злоупотребиле и за кој толку многу се пишуваше, повторно се посочува како главен „виновник“ за ова шокантно издание на актерките. Па, многумина овогодинешните САГ награди ги опишаа како собир на преслаби ѕвезди.

„Кожа и коски, што се случи со нив?“, е коментарот кој преовладува на социјалните мрежи кога се гледаат нивните фотографии.

Доделени наградите САГ: „Конклава“ ја освои најзначајната статуетка на вечерта, Деми Мур сè поблизу до нејзиниот прв Оскар