За денеска, ви препорачуваме еден убав, топол рецепт за варено вино од Огнена Костова. Таа е нутриционистка и вљубеничка во здравата, веганска храна. Своите идеи за hygge скандинавскиот концепт за домот и начинот на живот ги вклопува во својот инстаграм профил од каде и доаѓа и името – hyggnena.

Oвој пат таа ни сподели рецепт за овошно варено вино, задолжително зачинето со портокал и зачини кои ги има по продавниците за здрава храна.

Состојки:

400 мл. суво црвено вино
200 мл. сок од портокал
200 мл. сок од калинка или друг сок по желба или заменете со повеќе вино
50-100 мл. ликер од портокал (може да го изоставите или да додадете уште сок од портокал)
1 портокал, исечен на тенки кругови
2 стапчиња цимет
1 ѕвездест анасон
3-4 зрна кардамом
3-4 каранфилчиња
2 супени лажици агаве сируп (или друг засладувач по желба).

 

View this post on Instagram

 

A post shared by Ognena ? (@hyggnena)

Подготовка:

Сите состојки ставете ги во тенџере и варете на тивок оган, минимум 30 минути, а може и до 3/4 часа. Тенџерето покријте го со капак за да не испарува виното.

Забелешка: од зачините ставете во мали количини и пробајте затоа што се силни. Ако сте навикнати на тие вкусови, слободно ставете дупла доза.