„Временската капсула“ што принцезата Дијана ја закопала во болницата Грејт Ормонд Стрит во 1991 година е отворена, а внатре е пронајдено ЦД со Кајли Миног, калкулатор на сончева енергија и пасош. Дрвената кутија обложена со олово била запечатена за да се одбележи поставувањето на камен-темелникот за зградата на Вариет клубот на болницата, која бил отворен во 1994 година.

Предметите во капсулата имале за цел да го претставуваат животот во 1990-тите. „Временската капсула“ требало да биде ископана по неколку стотини години, но сега се ископува за да се направи место за изградба на детски центар за рак.

Принцезата Дијана ја посетила оваа болница неколку пати пред нејзината смрт. Таа, исто така, им помогнала на неколку деца да изберат предмети што ќе бидат поставени во временската капсула.

Princess Diana’s time capsule dug up at hospital revealing nineties relics inside https://t.co/SVEmvawLRJ pic.twitter.com/P4krMNxu7b

— The Independent (@Independent) August 27, 2025

ЦД од албумот на Кајли Миног „Ритам на љубовта“ бил еден од предметите што ги избрал тогаш 11-годишниот Дејвид Вотсон. Девојчето Силвија Фолкс избрала колекција британски монети и сад со пет семиња од дрвја, пишува „Би-би-си“.

Во кутијата имало и копија од весникот „Тајмс“ со датумот на закопувањето на капсулата. Фотографиите објавени од архиварите, исто така, покажуваат одредена штета на предметот, која не е голема.

Оваа капсула била слична како онаа на церемонијата од 1872 година, на која тогашната принцеза Александра го поставила камен-темелникот на болницата. Во нејзината временска капсула била поставена фотографија од кралицата Викторија.