Американскиот професионален борач и актер Џон Сина (46) се појави речици гол на сцената за време на 96. издание на свеченото доделување на филмските награди Оскари. Голотијата, како што коментираат корисниците на социјалните мрежи, не помина најдобро кај публиката пред малите екрани.

„Која е поентата Џон Сина да дојде гол?“, „Џон Сина целосно ја продаде душата“, „Никогаш не мислев дека Џон Сина може да го направи ова. Почнувам да го мразам“, „Дали децата не ги гледаат Оскарите? Кој одобри Џон Сина да биде гол?’ „Одвратно“ се само дел од коментарите.

Пред неговото појавување, на екранот беше прикажано видео од 1976 година, кога еден маж истрча гол на сцената за време на Оскарите. Џими Кимел се пошегува за таа ситуација и рече: „Можете ли да замислите гол маж да трча по бината денес?“

Уште еднаш ја повтори истата реченица, а потоа се појави Сина, скриен зад ѕид. Борачот беше гол, а како што на шега рече Џими – требаше да претрча преку сцената.

„Се предомислив, не сакам да го правам тоа. Не се чувствувам добро поради тоа. Ова е елегантен настан, знаете, треба да се срамите од себе што предлагате ваква невкусна шега“, рече Сина.

Водителот рече дека „би требало да е смешно“, а Сина веднаш возврати со: „Машкото тело не е шега!“